Immikkoortortat


Sinniisoqarfimmi Naalakkersuisoqarfiit assigiinngitsut aamma Aqutsisoqarfiit Nuummiitut assigiinngitsutigut sullinneqarput.

Nanortalik's iconic white church standing tall in the summertime

Assiliaq, Reinhard Pantke - Visit Greenland

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik


Suliassat tulliullugit taaneqartut isumagineqartarput:


  • Ilinniartitaanermut ilisimatusarnermullu attuumassutilinnik pisortat, suliffeqarfiit, inuussutissarsiortut inuuttaasullu saaffiginnissutaannik akissuteqartarnissaq
  • Danskit nunallu allat ilinniartitaanikkut ilisimatusarnikkullu oqartussaannut attaveqaataaneq
  • Naalakkersuisoqarfiup susassaqarfiani maleruagassiornermi ataqatigiissaarineq suleqataanerlu
  • Naalakkersuisoqarfiup susassaqarfiani maleruagassiat qanoq paasineqarnissaannik nassuiaaneq
  • Naalakkersuisoqarfiup susassaqarfiani inatsisilerinermi ikiuineq
  • UNESCO
  • Nunat Avannarliit Suleqatigiinnerat
  • Kalaallit Illuutaat

Hikers in the Kuannit area at the Basalt columns

Assiliaq, Aningaaq R Carlsen - Visit Greenland

Aatsitassanut Inatsisillu Atuutsinneqarnerannut Naalakkersuisoqarfik

Suliassat tulliullugit taaneqartut isumagineqartarput:

  • Aatsitassat inatsisiinut tunngasunut ikiuineq
  • Naalakkersuisut Kalaallit Nunaani eqqartuussisoqarnermut pimoorussinerat, taasumap ataaniipput eqqartuussivik, Politiit, pinerluttunik isumaginnittoqarfik taavalu nunat avannarliit inatsiseqarnermut suleqatigiinerat MR JUST/EK JUST.
  • Periusissatut suliniutissanullu pilersaarutit Inatsiseqarnermut ministereqarfik suleqatigalugu Inatsisinut Atuutsitsinermut susassaqarfiani inatsimmut tunngassutillit ataqatigiissarnerat isumagalugit
  • Inatsiseqarneq susassaqarfiani inatsisilerinermi ikiuineq 
  • Inatsisit nassuiarneqarneranut ikiuineq immikkut namminersornerup ataani suliassaqarfiit tiguneqarsimasut, ilaasa taakuupput isumaginnittoqarfik peqqinnissarfillu, pingaartumik tarnikkut imaluuniit timikkut napparsimasut eqqartuuneqarnerat inaarsinneqarnissaat. 
  • Inatsiseqarneq pillugu paasissutissiineq, iliuusissanik qinersineq taavalu pingaarnersiuineq.Rådet for Grønlands Retsvæsen inatsiseqarnerlu suleqatigiineranut ataatsimiinissaanut sammisassat nanginnerillu ataqatigiisinnerat.



    Passengers and service personel approaching a parked Air Greenland Bell 212 helicopter in Aappilattoq in South Greenland

    Assiliaq, Mads Pihl - Visit Greenland

    Inuussutissarsiornermut, Niuernermut, Nunanut Allanut Silallu Pissutaata Allanngoriartorneranut Naalakkersuisoqarfik

    Suliassat tulliullugit taaneqartut isumagineqartarput:

    • Inuussutissarsiornermut taavalu niuernermut tunngassutillit suliassarititaasut suliarineqartarput.
    • Paasissutissat naalakkersuisoqarfimmut tunngassutillit uani nassaarikkit www.businessingreenland.gl


    Red Alpine Catchfly in front of icebergs north of Ilulissat

    Assiliaq, Mads Pihl - Visit Greenland

    Pinngortitamut tunngassutillit

    Suliassat tulliullugit taaneqartut isumagineqartarput:

    • Biodiversitetskonvention najoqqutaralugu sullissineq 
    • Ramsarkonvention najoqqutaralugu sullissineq 
    • Washingtonkonvention (CITES) najoqqutaralugu sullissineq 
    • FN-imi nalagaaffiup avataani inatsisit atortinneqarniarnerni biodiversitetimik illersuiniarnermi/atuiniarnermi inatsimmik unioqqutinneqartussaangitsumik isumaqatigiiniarnermi sullissineq.
    • Danmarkip kunngeqarfiata Head of Delegation Arktisk Råds Arbejdsgruppemi CAFF (Conservation of Arctic Flora and Fauna).



    Øjenkontrol

    Assiliaq, Mads Pihl - Visit Greenland


    Peqqinnissamut Pinaveersaartitsinermulu Aqutsisoqarfik

    Suliassat ataani taaneqartut isumagineqartarput:

    • Peqqissutsimut tunngasunik suliaqartartunik Kalaallit Nunaanni peqqinnissaqarfimmut sulisussarsiortarneq aalaakkaasumillu atorfeqarnissamut tunngasunik suliniuteqartarneq
    • Nittartakkami www.gjob.dk Kalaallit Nunaata peqqinnissaqarfiani atorfininneq takuuk. 


    Assiliaq, Filip Gielda - Visit Greenland

    Atuisartoqarnermut Unammilleqatigiinnermullu Aqutsisoqarfik

    Suliassat ataani taaneqartut isumagineqartarput:

    • Maalaaruteqarnermut sullissivimmut suliassat isumagalugit
    • Atuisartoqarnermut unammilleqatigiinnermullu tunngassutillit isumagalugit.



    Assiliaq, Mads Pihl - Visit Greenland

    Akileraartarnermut Aqutsisoqarfik

    Akileraartarnermut Aqutsisoqarfiup immikkoortortaata danskinut sulisitsisunut, danskit kalaallillu oqartussaannut kiisalu akileraartartunut kalaallit nunaanni akileraartarneq pillugu ilitsersuineq sulissinerlu isumagisaraa.

    Akileraarternermut Aqutsisoqarfiup nittartagaani www.aka.gl ataani takuneqarsinnaasumi akileraartarnermut inatsisit aammalu akileraarutit, eqqussinermi akitsuutit il.il ilitsersuutit assigiingitsut inissisimapput. 

    Assersuutigalugu:


    Akileraartarnermut Aqutsisoqarfik

    Kalaallit Nunaannut nuuttunut ilitsersuut (qallunaatuinnaq pigineqarpoq)

    Ilinniartut nunatsinneersut akileraarusersuiffigineqartarnerat (qallunaatuinnaq pigineqarpoq)



    Assiliaq, Aqqa R. Asvid - Visit Greenland

    Pinngortitaleriffik

    Immikkoortortaqarfik misissuisuunernik marlunnik misissuisunillu pingasunik sulisoqarpoq kiisalu ilinniagaqartut assigiinngitsunik amerlassusillit tassaniittarlutik.

    Nuummi Pinngortitaleriffiup qitiusumik allaffeqarfia suleqatigalugu Kalaallit Nunaanni arferit, aarrit, nannut timmissallu pillugit misissuinerit ingerlanneqartarput.

    Sulianut sammisanut ilaapput:

    • Uumasunik miluumasunik imarmiunik timmisartumiit kisitsisarneq,
    • satellit atorlugu arfernik, aarrinik nannunillu sumiissusersuisarneq,
    • uumasunik miluumasunik imarmiunik utoqqaassusiliisarneq,
    • pinngortitaleriffiup misissuinerinut atatillugu GIS atorlugu suliaqarneq kiisalu
    • Kalaallit Nunaanni timmissanik imarmiunik misissuinerit
    • Immikkoortortaqarfiup isumagisaraa Kalaallit Nunaata NAMMCO-mi, IWC-mi aamma JCNB-mi ilaasortaaneranut atatillugu suliassat aammalu
    • uuliasiornermut atatillugu avatangiisit pillugit naliliisarnerni siunnersuisarneq.