Nakorsaateqarnermut uppernarsaat, Pas aamma visum

Pas aamma visum

Kalaallit Nunaat Schengenimi ilaasortaanngilaq, taamaallaalli Schengen-mi paasissutissiisarnermut aaqqissuussinermi ilaalluni. Tamanna ima isumaqarpoq, Schengen-imut visum Kalaallit Nunaannut isissutigissallugu atorneqarsinnaanngitsoq. Nunanit visum-eqartussani  innuttaasut Danmarkimut atuuttussamik visum-imik qinnuteqarnerminni allassavaat, visum-i Kalaallit Nunaannut aamma atuutissasoq.

EU-mi innuttaasut nunagisami kinaassutsimut uppernarsaat Kalaallit Nunaannut angalanermi kinaassutsimut uppernarsaatitut atorsinnaanngilaat. Taakku pas-imik nassataqassapput.

Nunani avannarlerni innuttaasut pas-imik nassataqassanngilat. Taakku kinaassutsimut uppernarsaammik assitalimmik nassataqassapput timmisartutigut sillimaniarnermi malittarisassat tunngavigalugit.

Udlændingestyrelse-p nittartagaanut innersuussisoqarpoq www.nyidanmark.dk tassani nunat visumeqartussaatitaasut, visum pillugu malittarisassat il.il. paasissutissat annertunerusut pissarsiarineqarsinnaammata.

Nakorsaateqarnermut uppernarsaat

Kalaallit Nunaannut aallarnermi nakorsaateqarnermut uppernarsaateqarnissaq piumasaqaataanngilaq. Taamaattorli uppernarsarneqarsinnaassaaq, nakorsaatit pigineqarsinnaasut Kalaallit Nunaanni akuerisaanerat. Taama issaaq nakorsaatissamut allagartaq Danmark-imi allanneqarsimappat. Nakorsaammut uppernarsaat assersuutigalugu nittartakkamiittumi www.sundhed.dk namminermut nakorsaatissatut tunniunneqarsimasunut nalunaarsuut aaneqarsinnaavoq.