Kalaallit Nunaata Sinniisoqarfii

Kalaallit Nunaata Sinniisoqarfii sisamaasut nunat assigiingitsuniipput.


København

Kalaallit Nunaata Sinniisoqarafiata Naalakkersuisut, Inatsisartut, qitiusumik allaffeqarfik, namminersorlutik oqartussat ingerlatseqatigiiffii kommunellu sullittartussaavai, matumunnga aamma ilaapput naleqqunnerpaamik Danmarkimi imaluunniit Danmarkimit suliat suliarineqarsinnaasutut isigineqartut.

Kalaallit Nunaata Sinniisoqarfia ima immikkoortortaqarpoq:

  • Allatseqarfik, sullissinernik isumaginnittartoq
  • Naalakkersuisoqarfiit immikkoortui (siunnersorteqarfiit kiisalu naalakkersuisoqarfiit Danmarkimi ikkikkoortortaat), taakku naalakkersuisoqarfiit suliaannut atasunik suliaqarput.

Sinniisoqarfiup nittartagaani suli annertunerusumik takusaqarsinnaavutit, una tooruk.

Grønlands Repræsentation

Strandgade 91

DK-1401  København K


Oqarasuaat:   +45 3283 3800

Mail: klik her



Bruxelles

Bruxellesimi Kalaallit Nunaata EU-mut Sinniisoqarfia 1992-imi pilersinneqarpoq, pilersinneqarnermini ateqarpoq Kalaallit Nunaata Sinniisoqarfia Bruxellesimiittoq.

Bruxellesimi Kalaallit Nunaata EU-mut Sinniisoqarfia Naalakkersuisut sinnerlugit Kalaallit Nunaata soqutigisai sullisigineqarput, taamatuttaaq suliassat OLT/Kalaallit Nunaata aalajageeqataanerat, aalisarnermi suleqatit isumaqatiissutaat EU-mut tunngasoq, aamma nunat allat naalagaaffiillu allat, EU-mi nunat ilaasortat aamma Kalaallit Nunaata EU-p iluani suleqatai.

Taamatuttaaq Bruxellesimi Kalaallit Nunaata EU-mut Sinniisoqarfiata Kalaallit Nunaata soqatigisai aamma EU-p issittumi polikkianut suliassaqarfiit pillugit sulivoq, Kalaallit Nunaata/UK-ip niuernermut isumaqatigiissutaa, aamma sulilassat assigiinngitsut soqutigisat nalinginnaasut Kalaallit Nunaat pillugu sulivoq.

Kalaallit Nunaata EU-mut Sinniisoqarfia, qallunaat aaliangersimasumik sinniisoqarfiat, Qallunaat Nunaannit nunanut allanut aallartitaa aammalu Savalimmiormiut EU-mut Sinniisoqarfiat illorsuaqatigivai.

Sinniisoqarfiup pisortaa Namminersorlutik Oqartussat sinnerlugit sulivoq EU-mi attavigisat ataavartumik piorsarlugit suliarai.

Sinniisoqarfiup sulisui ukuupput: 

  • Sinniisoqarfimmi pisortaq Inuuteq Holm Olsen
  • Pisortap allattaa Nanna Nivi Pedersen
  • EU-mi siunertarisanik ataqatigiissaarisoq Camilla Christoffersen
  • Allatsi Anne-Marie Andersen
  • Ilinniarnermut atatillugu suliffimmiittoq


Greenland Representation

Rue d'Arlon 73

B-1040  Brussels

Belgien


Oqarasuaat:  +32 2233 0963

Fax:  +32 2233 0966

Mail: klik her



Washington

Washington, D.C.-imi Kalaallit Nunaata Sinniisoqarfia 24. september 2014-imi pisortatigoortumik pilersinneqarpoq qallunaallu aallartitaqarfiata illutaani inissisimaffeqarluni. Aammattaaq 2015-imi Sinniisoqarfimmi pisortaq Canadami pisussaaffilerneqarpoq.

Sinniisoqarfik maannakkut aallartitaalluni Sinniisoqarfimmi Pisortap saniatigut, Aallartitaqarfimmi allatsimik suliffimmillu misiliisumik inuttaqartinneqarpoq.

Kalaallit sinniisuutitassaata aapperneqarnera 2013-imi Inatsisartut ukiakkut katersuunneranni aningaasanut inatsisissap isumaqatiginninniutigineqarnerani aalajangiunneqarpoq, aamma Namminersorlutik Oqartussat Kalaallit Nunaata imminut nammassinnaasumik aningaasarsiornissaanik qularnaarinninniarluni sulissuteqarneranut pingaarutilimmik alloriarnertut aamma isigineqassaaq.

Amerikap nunavittaata ilaattut Kalaallit Nunaata, Canadap USA-llu akornanni attaveqarneq pissusissamisoorpoq. Kingumut isigigaanni USA-mut atassuteqarneq annerusumik Amerikamiut sakkutooqarnikkut Kalaallit Nunaanni najuunnerisigut pivoq. Danmarkip USA-llu isumaqatigiissutaat 9. april 1941-meersoq illersornissamut isumaqatigiissutip 1951-imeersup taarserpaa. Kalaallit Nunaata Canada qanimut suleqatigaa, pingaartumik Issittumi Siunnersuisoqatigiinni kiisalu issittumi naalagaaffinni sinerialinni. Tamatuma saniatigut aamma Kalaallit Nunaat Canadami qanimut suleqataasutut pitsaasumik atassuteqarpoq, soorlu ICC Canadamut Nunavummilu naalakkersuisunut taamaattoq.

Washington, D.C.-imi Kalaallit Nunaata Sinniisoqarfia Kalaallit Nunaata aamma USA-p nunat tamalaat akornanni suleqateqarneq pillugu suleqatigiissutai nukittorsaaviginiarlugit assigiinngitsutigut sulissuteqarpoq: Politikkikkut, aningaasaqarnikkut, niuernikkut, ilinniartitaanikkut, ilisimatusarnikkut kulturikkullu. Sinniisoqarfik aamma Kalaallit Nunaanni pissutsit il.il. pillugit Amerika avannarlermi paasissutissiisarpoq kiisalu Naalakkersuisut, Inatsisartut qitiusumillu allaffeqarfik sullitaralugit.

Sinniisoqarfiup nittartagaani suli annertunerusumik takusaqarsinnaavutit, una tooruk


Greenland Representation

3200 Whitehaven Street, N.W

Washington DC 20008

USA


Oqarasuaat: +1 202 234 4300

Mail: klik her



Reykjavik

Nunatta nunanut allanut attaveqarfissaanik sisamassaanik ammaanissaq 2017-imi upernaakkut Inatsisartut ataatsimiinneranni aalajangiunneqarpoq, tassa Islandimi nunatta sinniisoqarfissaanik pilersitsisoqarniarpoq pitsaasumik eqqaamioriinnerup ineriartortinneqarnissaa qulakkeerniarlugu aamma ilaatigut nunatta Islandillu niuernikkut aningaasaqarnikkullu attaveqatigiittarnerat pitsanngorsaaffiginiarlugu suliassaqarfimmik nutaamik pilersitsinissaq sulissutiginiarlugu.

November 2013-imi Islandip aamma Kalaallit Nunaata akornanni ataatsimoortumik nalunaarutip atsiorneqarneratigut Islandimik suleqateqarneq ukiuni kingullerni annertuumik pitsanngoriarsimavoq aamma suleqatigiiffiusinnaasut suussusersineqarsimapput kiisalu Nunani Avannarlerni Killerni, Nunani Avannarlerni Siunnersuisoqatigiinni aamma Nunani Avannarlerni Ministerinut siunnersuisoqatigiinni suleqatigiinnerusoqalersimalluni. Ukiut tamaasa malitseqartitsinissaq aamma nalunaarummi suleqatigiiffigisassatut salliutitat piviusunngortinneqarnissaat, taakkununnga ilanngullugit aalisarnerup, peqqissuunissap, takornariartitsisarnerup, silaannakkut angallannerup inuussutissalerinerullu iluini suleqatigiinnerulernissaq siunertaralugit atuutsitsilernissaq pillugu ataatsimeeqatigiittoqartarpoq. Tassani sinniisoqarfik naalakkersuisoqarfinnut tamanut kiffartuussisuussaaq.

Sinniisoqarfiup nittartagaani suli annertunerusumik takusaqarsinnaavutit, una tooruk


Greenland Representation

Túngata 5

101 Reykjavík

Island


Oqarasuaat: +354 665 5610

Oqarasuaat: +354 775 6321

Mail: klik her



Beijing

Den Grønlandske Repræsentation i Beijing er netop blevet etableret i november 2021. Repræsentationen arbejder ihærdigt på, at styrke og vedligeholde de overordnede kontakter og forbindelser mellem Grønland og Kina. Repræsentationen er repræsentant for Grønlands Selvstyre, Naalakkersuisut. Hjemmesiden er under opbygning og der vil løbende komme finde flere informationer om Grønland og vores relationer til Kina.

Den Grønlandske Repræsentation ligger i samme bygningskompleks som den Danske Ambassade og den Færøerske Repræsentation.
Repræsentationens personale består af:

  • Repræsentationschef, Jacob Isbosethsen
  • Sekretær, Jiaxin Zhou

Greenland Representation
1 Dong Wu Jie, San Li Tun
Beijing 100600
PR China


Oqarasuaat: +86 131 2013 8134

Oqarasuaat: +86 186 1810 2401

Mail: klik her